Organización

Crear unha biblioteca escolar esixe tomar unha serie de decisións organizativas, tanto a nivel de centro, como no que se refire ó espazo físico da mesma. Elixir unha ubicación axeitada, se as posibilidades do centro o permiten, non resulta un tema banal. 


A biblioteca escolar ten un peso específico na organización do centro educativo. Polo tanto, as súas funcións deben estar claramente definidas, e deben se ter en conta para elaborar o Proxecto Educativo de Centro e todos os documentos administrativos e educativos do mesmo. 


Do mesmo xeito, na distribución horaria que cada curso realiza a xefatura de estudios, debe existir unha asignación para o coordinador e para os membros do Equipo de Biblioteca, se realmente existe un compromiso serio e firme para que o alumnado adquira, de xeito efectivo, as competencias básicas que propugna a LOE. 


Por outra banda, cómpre organizar o espazo físico da biblioteca, creando distintas zonas (empréstito, lectura informal, prensa, acceso a Internet, traballo en grupo...) e distribuíndo os fondos con criterios científicos, adaptándoos ás circunstancias particulares do noso alumnado e do noso centro. 


A continuación ofrecémoste unha serie de documentos que poden axudarte a tomar as decisións oportunas para organizar o teu traballo e a túa biblioteca. 

• GOBIERNO DE NAVARRA. Cómo organizar una Biblioteca Escolar. Aspectos técnicos y pedagógicos.
• GÓMEZ HERNÁNDEZ, José. El proceso de organización de la biblioteca escolar: del modelo a la aplicación. 
• DEL BURGO, Mª Antonia. La Clasificación Decimal Universal en los currículos escolares. Instrucciones para la organización temática de los fondos bibliográficos de las bibliotecas educativas no universitarias. Ed. Gobierno de Navarra.
• BIBLIOTECAS ESCOLARES DE GALICIA. Táboa simplificada da CDU para centros de Educación Primaria.