NUEVAS DINÁMICAS PARA LA BIBLIOTECA ESCOLAR EN LA SOCIEDAD RED

Un novo documento editado pola Junta de Andalucía. José García Guerrero dirixe a un equipo integrado, entre outros, pola nosa prezada Glòria Durban. Neste caso, abórdanse os novos retos da Biblioteca na sociedade dixital, e a súa función como transformadora da escola, no que se refire ós espazos, ás metodoloxías e ás actividades.

A obra facilita unha serie de recursos para poder levar a cabo esta transformación. Sen dúbida, unha publicación que dará "moito xogo".

Podemos descargala neste enlace.

USUARIOS AUTÓNOMOS NA BIBLIOTECA

Hai xa algún tempo, en Leer.es apareceu este magnífico vídeo onde se presentaba a un grupo de mozos e mozas acusados pola dirección do centro de roubar un valioso libro.

Ademais de constituír un material moi axeitado (pola súa temática) para impulsar o achegamento da xuventude á biblioteca, este vídeo ofrece un xeito moi orixinal de dar a coñecer a organización da biblioteca.

O máis interesante é, sen embargo, descubrir a finalidade da biblioteca na que se desenvolve a historia: un centro de recursos da información que pretende formar usuarios autónomos na búsqueda, no manexo e no tratamento da información.

Os alumnos do vídeo sabían ben o que tiñan que facer e como facelo. Ogallá que nós tamén lles saibamos proporcionar ós nosos os medios para ser igual de autónomos.